Komeleya Ekolojî ya Amedî ra Nejdet Sezgîn dîyar kerd ke xebatê madenî hem çinkerdişê xoza rê hem zî warê weşîye de benê semedê problemê cidî yê weşîye.
Xozaya zaf şaristanan bi xususî Amed, Şirnex, Agirî û Colêmergî seba xebatê maden, darbirnayiş, awbendê ewleyî, petrol, Santralê Hîdroelektrîkî (HES) û Santralê Jeotermalî (JES) ser o yenê wêrankerdiş. Herêmê ke wêrankerdişê xoza yenê kerdiş de merdimî nêçare manenê koç bikê.
Komeleya Ekolojî ya Amedî ra Nejdet Sezgîn dîyar kerd ke texrîbkerdişo ekolojîk, wayîrê peyxaneyê tarîxî, vîrdozî û ekonomîye yo û wina va: “Pêardişê pergalê dewlete yê nê serran de, bi xususî pêvajoyê pêkewtişan de, zirarêko gird danê merdim û ekosîstemî ra. Agêrayişê nê zirarî ra zî bivaje nê mumkin o. No warî de ma verba her tewirê şerî de yê. Kesê ke raştî texrîbatan yenê wa xo biresnê komeleya ma.”
