Rejîmê Îranî girewteyê siyasî Mûhammed Mesûm Şahî û Hamed Walîdî yê Rêxistina Mucahîdanê Şarî yê Îranî darde kerdî.
Ajansê Xeberan ê Tasnîmî yê girêdayeyê Artêşa Muhafizanê Şorişî eşkera kerd ke Muhamed Mesûm Şahî (38) û Hamed Walîdî (45) yê rêxistina Mucahîdanê Şarî yê Îranî ra (MEK) ameyê dardekerdene.
Girewteyê sîyasî Şahî û Walîdî badê ke vizêrî hepisxaneyê Kerecî ra ver bi cayêko nedîyar ameyê berdene, bi nimitki ameyê dardekerdene.
Zîyaretê endezyarê înşaatî Walîdî û teknîsyen Şahî yê Herêma Federe ya Kurdîstanî bîbî babeta sucdarkerdişê înan. Xebera Tasnîmî de wina ame vatene, “Nê kesan bi raya fezaya sîberi têkilî bi efseranê Mossadî reyde ronaya, şîyê herêma Kurdîstanî yê Îraqî, babeta operasyonanê terorî û çalakîyanê tacîzî de perwerde dîyo û agêrayê welat.”
