Festîvala Mîyanneteweyî ya Rejîsoranê Cinîyan ya 9. ke do 24ê nîsane de dest bikera, do wayîrîya 69 fîlman ê 29 welatan bikero.
Emser do Festîvala Mîyanneteweyî ya Rejîsoranê Cinîyan ya 9., Îzmîr de bêro organîzekerdiş. Festîval do 24ê Nîsane de dest pêbikero û heta 29ê Nîsane zî do dewam bikero.
Amancê festîvale o yo ke rejîsoranê cinîyan û cinîyê ke nê karî kenê, bîyaro têhet. Sewbîna do rejîsorê cinî û fîlmê înan tewr zêde biasê, paştîdayîşê rejîsoranê cinîyan bikero, eynî demî de vernîya rejîsoranê ciwanan akero.
Programê festîvale 69 fîlmê 29 welatan, 5 atolye, 2 masterklas û mûnaqeşeyan ra yeno pê. Atolye û çalakî do Merkezê Kulturê Fransî, Merkezê Kulturê Îtalya û Merkezê Hunerî yê Ehmed Adnan Saygun de bêrê kerdene.
