Seba Gulistan Doku û cinîyê ke bi guman ameyî qetilkerdene rayîrşîyayîş ame organîzekerdene. Rayîrşîyayîş de ame vatiş: “Eke ewro raştî seba Gulîstan Doku vejîyena meydan, do seba Rojwelat Kizmaz, Rojîn Kabaîş û Esma Kiliçaslan zî vejîyo werte.”
Platformê Şubeyanê Dêrsimî yê Konfederasyonê Sendîkayê Xebatkaranê Pêroyî (KESK) seba yadkerdişê Gulîstan Doku û cinîyê ke bi guman ameyî qetilkerdiş rayîrşîyayîşêk organîze kerd. Şar, seba rayîrşîyayîşî Kuçeyê Sanatî de ameyê têhet. Girseyî pankartê “Ma do tu kesêk bîn vîndî nêkerê; wa rastî eşkera bibo. Wa sucdarî bêrê mehkemakerdene” berz kerdî û ver bi Meydanê Seyîd Rizayî rayîrşîyayîş viraşt. Rayîrşîyayîş de sloganê sey “Cînayetê cinîyan sîyasî yo”, “Dêrsim, bêveng mebe, Gulîstane xo vîr ra meke” û “Edalet seba Gulîstane” ameyî eştene.
Badê rayîrşîyayîşî, hemsereka şubeyê SES’î ya Dêrsimî Serap Kahraman qisey kerd û vat her çend wext ser o derbas bibo zî edalet nêameyo caardiş û dosyaya Gulîstan Doku bîya sembole tehdîdanê sistematîk ê vera heqê cinîyan, emnîyetê ciwanan û hisê edaletî yê komelî ser o yenê kerdene.
