KCDK-E da zanayene ke semedê wayîrvejîyayîşê xoverdayîşê Tişrînî û paştîdayîşê Rojawanî 29ê çeleyî de heme Ewropa, Avusturalya û Kanada de verê konsolosxaneyanê Tirkîya de do çalakîyan bikerê û semedê tewrbîyayîşî veng da
KCDK-E da eşnawitene ke seba reyna ganîkerdişê ruhê xoverdayîşê Kobanê, xurtkerdişê ruhê wayîrvejîyayîşî, moraldayîşê şarê Tişrînî û Rojawanî pêşengîya PYD’yî de 29ê çeleyî de heme Ewropa, Avusturalya û Kanada de bi hewayêkê hemwextî verê konsolosxaneyanê Tirkîya de do çalakîye bêrê kerdene û semedê tewrbîyayîşî veng da.
KCDK-E bale ante hêrişanê dewleta tirke û grûbanê paramîlîter yê girêdayeyê ci yê verba Awbendê Tişrînî ser o û vat heta nika hêrişanê dewleta tirke yê verba şarê sîvîlî de ke çalakîya nobete de yê tewr tay 21 sîvîlî ameyî kiştene û bi desan kesî birîndar bîyî.
KCDK-E wina veng da: “Ganî ma verba nê qirkerdişan wirzê pay û xoverdayîşî hîna pîl bikerê. Ganî ma Rojawanî bipawê û wayîrê xoverdayîşê Tişrînî vejîyê. Ganî ma Ewropa de vejîyê kuçeyan û statuyê Rojawanî biwazê. Ganî ma bi ruhê xoverdayîşê Kobanê wayîrê xoverdayîşê qehremankî yê Rojawanî bivejê. Wa heme şarê kurdî û dostê ma verba hêrişanê dewleta tirke û grûbê paramîlîter yê girêdayeyê ci têkoşînî xurtêr bikerê û tewrê çalakîyanê 29ê çeleyê bibê.”
