Hûmara hîrêyine ya Rojnameyê Komînalî bi sernameyê “Sosyalîzma Komelê Demokratîkî bena serkewtişî” resaye wendoxan.
Rojnameyî hûmara xo ya gulane de beşê peyînî yê Manîfestoyê Komelê Demokratîkî weşana. Sernameyê esasî yê Manîfestoyê na hûmare nê yê:
1- Raştîya kurdan û Kurdîstanî (beşo 6.)
2- Tarîx de cayê PKK’yî û rolê ci (beşo 7.)
3- Taybetmendî û wezîfeyê demê neweyî (beşo 8.).
Mîyanê babetan de nê est ê: raştîya kurdan ra heta zindîbîyayîşê kurdan, tarîxê kilm ê PKK’yî û destkewtişê ci yê seba şarê kurd, amancê demê neweyî yê sîyasî-komelkî-enternasyonalîstî û çareserîya modernîteya demokratîke ya Rojhelatê Mîyanêne reyde stratejî û taktîkî. Komînalî 24 rîpelan de 18 rîpelî dayî Manîfestoyî.
Rojname eynî wext de nuşteyê Duran Kalkanî yo bi sernameyê “Raştîya Egîdî û praktîkê ci rayîr mojnenê” û nuşteyê Komînalî yo bi sernameyê “Binê sîya şerî de Rojhelatê Mîyanênî, ekonomî û dînamîkê sîyasî” tede yê. Rîpelê pêyênî de şîîra Cegerxwînî ya bi nameyê “Welat Welat” est a.
Rojnameyê Komînalî heme Merkezanê Komelê Demokratîk yê Ewropa ra şêno bêro girewtene.
