Wexto ke 4ê Gulana 1937î de parlamentoya Tirkîya qerarê qirkerdişê Dêrsimî gêna û dest bi qirkerdişî kena Ali Bayoglu, hona doman bîyo. Pîyê xo ra çi ke heşîyo pê, înan ma rê ano zon û ma ra vano: “30 serre de rê Kirmancîye ser derbeyê yena.”
Ali Bayoglu, Demenuz o, weşîye xo Marçîk de ramneno. 1938î de hona doman bîyo. Eskerê tirkî birayê ey, Apê ey û zaf eqrebayê ey kîştê. Pîye ey qirkerdîşê Demenu bi çîmûnê xo dîyo. Alî Bayoglu, qirkerdîşê Demenuzû pîyê xo ra çutur ke heşêno henî marê qisey kerd.
‘Ma Demenu qirkerdîme’
Ali Bayoglu qiseykerdîşe Demenuzu fekê pîyê xo ra ma rê qisey keno û wina vano: “Bonê ma, dewa ma vesnayî. Ma remayme şîme koyê xo. Ma ra va ke berê, çekûnê xo ronê, ma qarişê şima nêkenîme. Ma bawerîya xo pê nêarde û nêşîme. Tayê aşîrî kutê verê eskerî, caye Demenû ci ra vatêne. Azû ûzê ma pêro ko de qir kerdî. Jû kî vesanîye û tesanîye zaf bîye. Zaf tenî ameyî kîştene. Harçîk de, Sole Herû de, Pax de. Perûne Demenu bî.”
‘Bare mare tengiye ame’
Ali Bayoglu, qiseykerdîşe xo yê peyênî de wina vano: “Birayê mi kîşîya. Apê mi kişîya. Birayê apê mi kişîya. Zerê çeyî de vîşt hîris mordem kişîya. Demenû top kerdî ardî pêser û Marçîke de kîştî. Tayîne Sole Herûde ameyî kîştene. Birayê mi, Hegayo Pîl de eskerî kişt. Pîyê mi berd bînê merxe de dard we. Roja bîne eskerî ey cayî veşnayî, merxe vinitayî mend. Tepîya berdo dardo we. Şarê Kirmancîye, hîris serre de rê tengîye vîneno. 1938î ra tepîya ancîna tengîye amê. Tepîya Derbeye amê. Ancîna eskeran dewa ma vesnaye, dewa xo de barkerdîme şime.”
