Pîyê Rojîn Kabaîşe, Nîzametîn Kabaîş seba ke Wezîrê Edaletî Akin Gurlekî reyde pêvînayîş bikero şî Anqara.
Rojîn Kabaîş a 21 serrî ya ke Unîversîteya Yuzuncuyilî ya Wanî de wendêne 27ê Îlona 2024’î de vîndî bîbî û cenazaya aye 15ê teşrîna verêne 2024 de herêma Mollaqasim ê girêdayê qezaya Tuşbaya Wanî de amebî vînayene. A roje ra heta na roje seba ke kiştoxê Rojîn Kabaîşe bêrê eşkera kerdene û mehkemekerdene pîyê Rojîn Kabaîşe Nîzametîn Kabaîş mîyanê têkoşînêke de yo. Nîzametîn Kabaîş seba ke Wezîrê Edaletî Akin Gurlekî reyde pêvînayîş virazo şî Anqara.
Tayê avûkatê Baroyê Amed û Wanî zî Nîzametîn Kabaîşî reyde şî Anqara.
