Rojê Kitaban ê Şaredarîya Erxenî yê 2. bi terraqe, programê îmzakerdişê kitaban û sohbetanê nuştoxan reyde qedîyayê.
Rojê Kitaban ê Erxenî yê 2. bi hemkarîya Şaredarîya Erxenî, YEW-KURD û Sendîkaya Kedkaranê Perwerdeyî û Zanistî (Egîtîm Sen) bi sloganê “Dinya hîkayeyan reyde yena têhet” ameyî organîzekerdene. Rojanê kitaban de standê xeylê weşanxaneyan ameyî akerdene; xeylê nuştoxan hem sohbet kerd hem zî seba wendekaranê xo kitabê xo îmza kerdî.
Rojê kitaban 4 rojî dewam kerd û mîyanê saetanê 09:00 û 19:30î de dewam kerd. Bi hezaran hemwelatîyî, cinîyî, ciwanî û gedeyî her emrî ra ameyî zîyaretê standan û kitabî herînayî. Bi wesîleya nê programî xeylê nuştoxî wendekaranê xo reyde ameyî têhet.
Çarçewaya rojê kitaban de, roja peyêne de dîwanê dengbêjan, sohbetê bi nameyê “Komar û Kurd” ya Erdogan Aydinî û moderatorîya M. Şah Aslanî de sohbetê şaîran Denîz Gunduz û Bedriye Topaç reyde dewam kerd. Îlhamî Sîdarî şîîrê xo wendî û Rojê Kitaban bi programê pîyanoyî yê wendekaranê Merkezê Hunerî yê Newayî qedîyayê.
