Pêrabesteyê Sûrîyeya Rojhilat û Bakûrî destnîşan kerd ke pawitişê Awnbendê Tişrînî verpirsîyarîya her kesî yo û veng rêxistinê mîyanêneteweyî û merdimî kerd ke êdî verba sûcê sivîlan de seba pawitişê awbendî yê, bêveng nêmanê.
Çalakîya welatijê herêmê Sûrîyeya Rojhilat û Bakûrî ya Awbendê Tişrînî verdewam ê. Şarê pêrabesteyê kantonê Cizîrî heme hêrişê yewser ê verba ver awbendî hetê teyyarê bêmerdim ê Dewleta Tirke çalakîyê xo domnenê.
Welatijê bi nameyê Mihemed Hisên ê şaristanê Hesekî yo, va: “Awbendê Tişrînî zaf avzel o, awbend awe dano herême.”
Hisên dîyar kerd ke ê verba hêrişan awbendî pawiyenê û hetkarîya şervanê HSD’î yê ke pawitişê herême û awbendî kenê, danê.
Ma fek pawitişê awbendî veranêdanê
Welatij bi nameyê Xalid Mihemed ê Zirganî zî va: “Ma fek pawitişê awbendî veranêdanê.”
Mihemed veng qewetê mîyanêneteweyî û rêxistinê heqê merdiman kerd ke bi lezî tedayî bikê û sûcê Dewleta Tirke verba pêrabesteyan, bivinderê.
Mistefa Eluş ê Kobanê ra bal ant ser avzelîya awbendî û va rijyayişê awbendî do bi awayêkî negatîfî yê girde bandorê zaf şaristanan keno û va: “Pawitişê awbendî verpirsîyarîya pêroyî sûriyeyijan o.”
