Roniştişê Rojnameger Abdurrahm Gok ke ser vatişê îtîrafkar Umit Akbiyikî, Mahkemeya Cezaya Girane ya Amedî ya 5îne pê ame. Rojnameger Hakki Boltan zî raya 6îne ame dariznayene. Heyetê roniştişê Hakki Boltan taloqî 6ê Gulane kerd.
Roniştişê Edîtorê Ajansê Mezopotamyayî (MA) Abdurrahman Gok ke ser vatişê îtîrafkar Umît Akbiyik bi îdiaya “endamîya rêxistinî” û “propoganda rêxistinî kerdo” yeno dariznayene, Mahkemeya Cezaya Girane ya Amedî ya 5îne pê ame. Roniştişê doze de Rojnameger Abdurrahman Gok û avûkatê ci Resul Tamur amede bîyê.
Hewna Hemserekê DFG’î Selman Çîçek û temsîlkarê MLSA û GGC’î roniştişê doze teqîp kerdê. Roniştiş de Rojnameger Abdurrahman Gok pawitiş kerd û ard ziwan ke seba xebatê xo yê meslegî yeno dariznayene û destnîşan kerd ke qedexeya vejyayişê teberî xebatê ci yê teberê welatî asteng kenê û waşt qedexeya vejyayişê teberî ser ci bêro hawaneye.
Avûkatê Abdurrahman Gok, Resul Tamur zî ard ziwan zaf kesê ke seba vatişê Akbiyikî ameyê dariznayene beraat kerdê û waşt qedexeya vejyayişê teberî ya ser muwekîlê ci bêro hawaneye.
Rojnameger Hakki Boltan zî bi îdiaya “heqaret serekkomar rê kerdo” vejîya verê mahkemeye. 6îne roniştişê doza rojnameger Hakki Boltan bi îdiaya “heqeret Serekkomar rê kerdo” Mahkemeya Cezaya Girane ya Amedî ya 6îne pê ard. Hakki Boltan beşdarî roniştişî nêbî. Avûkat Resul Tamur roniştiş de hadre bî û pawitiş kerd. Heyetê mahkemeye bi waştişê amedekerdena mutalaayî rontişê doze taloqî 6ê Gulane kerd.
