Kovarêka newe cîhanê edebîyat û fikrîyatê Kurdkî de zêde bi: Vîn. Kovara Vîn serrgêra 94. yê neşrê Kovara Haware de dest bi weşan kerd. Vîn Kovarêka di aşmî ra reyêk û bi alfabeya Latînî weşan kena.
Kovara Vîn bi humara xo ya yewin vernî wendoxan de ya. Kovare de berhemê Kirmanckî, Kurmanckî û Sorankî estê û alfabeya kovare Latînî ya. Gulê Şadkam, Îbrahîm Şêxşerefî, Jiyar Homer, Lorîn Demirel, Netîce Altûn Demîr, Rojîn Şêx Hemo û Selîm Temo endamê heyetê weşanî yê kovar ê.
Vîn ke kovarêka dijîtal a humara xo ya yewine de bi kadroyêka xurt vecyawa vernî wendoxan. Na humare de berhem, mulaqat, û açarnayan de îmzayê gelêk nameyan estê ku nê nameyî nê yê; Ahmed Azad, Aydin Ekîn, Azad Dilwar, Azad Kaysadu, Bawer Aydin, Berken Bereh, Buhişt Issa, Dîbar Çelîk, Dîlan Yasak, Enes Yildiz, Fatma Savci, Ferhadê Mihemed, Furkan Îşlen, Haden Oz, Hebûn Elbakî, Îbrahîm Şêxşerefî, Jan Alî Yekta, Jiyar Homer, Kawa Nemir, Kenan Ogur, Lorîn Demirel, Luqman Ehmed, Netîce Altun Demîr, Ozlem Guntaş, Rojîn Şêx Hemo, Sebahattîn Sumelî, Sedat Ulugana, Selîm Temo, Seyîdxan Kurij, Siya Jandar, Sîbel Akman, Şênê Mihemed û Xelef Wanî.
Kovara Vîne de beşê “Vîndank”î de ma Ehmed Huseynî, Mehmet Emîn Bozarslan û Refîq Sabîrî arenê xo vîr. Beşê “HevpeyVîn”î de Fatma Savci biya meymana kovare. Beşê “Belge”yî de kovare vilawekêke weşanayena ke bi Kurdkî ya (Kurmanckî) û Serewedaritişê 1925in sîya kena.
Kovare de Almankî, Franskî, îngîlîzkî û Îspanyolkî ra açarnayeyî amê kerdene. Alana Marie Levinson-LaBrosse, Alfonsina Storni, Alphonse Daudet, Arthur Rimbaud, Berthold Brecht, Charles Bukowski James Finn Garner, Kate Chopin, Rafael Alberti, Rita Mae Brown û Tracy Fuad meymanê xerîbî yê Vîn ê.
Vîn heme humaranê xo serê www.kovaravin.com vila kena. Wendoxî êşkenê kovare serê malpere ra bar bikerê û biwanê. Adresa info@kovaravin.com zî seba şawitişê berheman a.
