Serekê DYA’yî Donald Trumpî vat ke seba pêameyîşî 2-3 rojî muhlet dayo Îranî eke pêameyîş bi ca nêro do reyna dest bi hêrişan bikerê.
Serekê DYA’yî Donald Trump, rojevê Îranî ser xebatkaranê çapemenî rê qisey kerd. Trumpî, vizêrî dîyar kerd ke seba destpêkerdişê hêrişanê vera Îranî amadeyê. Persa “Destpêkerdişê hêrişan rê çika wext mend bî?” Trumpî vat tena saetêke mendbî. Ez qalê vizêrî kena. Nika do hêrişî biameyene kerdene. Coka heme çî hedre bî.”
Trumpî vat Serekê Erebistanê Seudî û Mîreyîya Ereban (BAE) resayê ey û vato ke ma Îranî reyde zaf nêzdîyê pêameyîşî yê û rica kerd ke demêke qerarê hêrişan bêro taloqkerdene, “Mi zî qebûl kerd û vat temam.”
Trumpî, dîyar kerd ke 2-3 rojî muhlet dayo Îranî eke pêameyîş nêvirazîyo do newe ra dest bi hêrişan bikerê û wina vat: “îcab bikero ma reyna derbeyêka girde danê înan ro. Hema ez bawer nîya. Zaf nêzdî de şima do pê bihesîyê.”
