Bi Ferman û qerarê Serekkomarê Tirkîya û Serekê AKP’yî Tayyîp Erdoganî Unîversîteya Bîlgî ameye girewtene.
Bi îmza û qerarê Serekkomarê AKP’yî Tayyîp Erdoganî ke rojnameyê fermî yê 22yê gulana 2026î de ame weşanayene, destûrê xebate ya Unîversîteya Bîlgî ya Stenbolî ke vere cû qeyûm seba weqfê aye amebi wezîfedarkerdene, îptal kerd û unîversîte girewt.
Qerar, goreyê madeyê 11ine yê îlavekerdişê qanûnê berzî yê hûmara 2547î ameyo girewtene. Na xale, destûrê xebate ya unîversîteyanê weqfan ê ke qayûm seba înan amebi tayînkerdene îptal kena.
Unîversîteya Bîlgîye ya Stenbolî, serra 2019î de derbasê binê banê Can Holdîng bîbî. 11ê Êlule 2025î de hetê Serdozgerîya Komarê yê Kuçukçekmeceyê ra vera Can Holdîngî bi îdiayanê “awankerdena rêxistinanê sucî”, “pereyê bêçimeyî”, “qaçaxtî” û “sextekarî” operasyonê girdîş ameybî kerdene.
Çarçewaya cipersayîşî de rayberê holdîngî ameyê girewtene û dest da 121 şîrketanê girêdayeyê holdîngê ke mîyanê înan de Haberturk, Show Tv, Kolejê Doga û Unîversîteya Bîlgî zî est ê. Badê qerarê mehkema qayûm seba Weqfê Perwerde û Kulturî yê Bîlgîye amebi tayînkerdene, ewro zî qerarê qirewtena unîversîte ame dayene.
Unîversîteya Bîlgî serra 1996î de ameya awnkerdene. 20 hezar ra zêdeyî wendekarî aye bîbî û hezar ra zêdeyî zî akademisyen tede xebetiyêne. Heta nika 50 hezar mezun daye, 7 fakulte, 3 enstîtu û 150î ra zêdeyî bernameyê unîversîte bîbî.
