Hemserekê Meclîsê Kantonî yê Tebqayê yê Partîya Sûrîyeya Ameyoxî derheqê hêriş û qirkerdişê ke Dewleta Tirke, Sûrîyeya Rojhilat û Bakûrî de pê anena va ke armanc îşxal û çinkerdişê projeya Rayberîya Rojawanî yo.
Hemserekê Tebqayê yê Partîya Sûrîyeya Ameyoxî Ehmed El Xelef vîr ard ke demê kewtişê rejîmê BAAS’î ra Dewleta Tirke û qewetê paramîlîterî yê ci qewet rewşa têmîyaneyî ra gênê û bi dijwarî hêrişê Sûrîyeya Rojhilat û Bakûrî kenê.
Ehmed El Xelef da zanayiş ke armancê dewlete bi hêrişan îşxal û çinkerdişê projeya Rayberîya Xoserî ke temîyanîya Sûrîyeye ra çareserî ya û wina domna: “Dewleta Tirke rojane qirkerdişan kena, tewro peynî Sirînê de netîceyê hêrişî de 12 kesê şehîd kewtê û Kobanê zî qirkerdişêk kerd 6 kes şehîd vistê û Zirganê zî 3 kes kiştê. No hêriş û qirkerdiş dişmenîya Dewleta Tirke û çeteyê ci nîşan danê.”
Ti nêeşkenê îradeya ma bişiknê
Hemsereka Meclîsê Kantonî yê Tebqayê ya Partîya Sûrîyeya Ameyoxî Barîn Mamo zî va ke Dewleta Tirke raşteraşt welatijan kena hedef û tewro peynî zî şaristanê Sirînê qirkerdişêk kerd û netîceyê hûmarêk cinî û doman bîyê qurbanî û wina qedîna: “Seba şarê Sûrîyeya Rojhilat û Bakûrî dayişê ked û fedakarîye çikê newe nîyo. Do sûcê Dewleta Tirke şarê herême yê ser şopê şehîdan meşîyeno û xoverdayiş dana yo.”
