Hemserekê Pêroyî yê DEM Partî Tuncer Bakirhan û heyeto ke ey reyde bi meclîs de grûba CHP’yî zîyaret kerd û Serekê Pêroyî yê CHP’yî Ozgur Ozelî ke bi qerarê “Betalkerdîşê teqezî” wezîfe ra amebi dûrîvistene, ey reyde pêvinayîş kerd.
Hemserekê Pêroyî yê DEM Partî Tuncer Bakirhan û heyeto ke tede Verfeka DEM Partî Ayşegul Dogan, Serekwekîlê Grûba DEM Partî Sezaî Temellî û Caîgirê Hemserekanê Pêroyî yo ke Rayberîyanê Herêmîyan ra berpirsiyar o Mehmet Ruştu Tîryakî est bi, seba qererê ‘Betalkerdîşê teqezî’ meclîs de grûba CHP’yî zîyaret kerd. Tuncer Bakirhan û heyeto ke ey reyde bi grûba CHP’yî de Serekê Pêroyî yê CHP’yî Ozgur Ozelî yo ke bi qerarê ‘Betalkerdîşê teqezî’ wezîfe ra amebi dûrîvistene, ey reyde pêvînayîş kerd. Ozgur Ozelî yo ke dimayê destserronayîşê Merkezê Pêroyî yê CHP’yî, meclîsî sey merkezê pêroyî yê partî dîyar kerd, no zîyaret zî meclîs de ame kerdene.
Dimayê pêvînayîşî, do hetê heyetanê DEM Partî û CHP’yî ra eşkerayî bêra dayene.
