KNKyî bi munasebetê Roşanê Qurbanî mesajêko nuştekî weşana. Eşkerayîye de bale ante meseleyanê sîyasî û komelkî yê çar parçeyanê Kurdîstanî ser û vengdayîşê yewîye kerd.
Konseya Rayraberdiş ya Kongraya Neteweyî ya Kurdîstanî (KNK) bi munasebetê Roşanê Qurbanî mesajêko nuştekî weşana. Mesajî de waşt ke Roşanê Qurbanî bimbarek bibo seba tepişteyanê hepisxaneyan, têkoşeranê azadîye, şarê Kurdîstanî û heme dinyaya îslame, û no roşan dinya de bibo wesîleyê aştî û aramî.
Eşkerayîye de ame vatene ke Kurdîstan demêko hesas ra vîyareno. Vakurê Kurdîstanî de prosesê dîyalog û pêdîyayîşan seba çareserîya meseleya kurdan dewam keno; Rojawan de nedîyarî û rîskî dewam kenê; Başûrê Kurdîstanî de meseleyê sîyasî yê zereyî û meseleyê bi Bexdadî dewam kenê; Rojhelatê Kurdîstanî de zî teda, destbendkerdiş û polîtîkayê îdamî dewam kenê. Ame îfadekerdene ke pêkewtişê mabênê Amerîka-Îsraîl û Îranî zî dewam kenê û hêrişê Îranî yê vera hêzanê Rojhelatê Kurdîstanî dewam kenê.
KNKyî veng da heme hêzanê Kurdîstanî ke bawerîya xo xurt bikerê û vera hêrişan û “planê negatîfan” de vinderê. KNKyî vengdayîşê xurtkerdişê yewîye û piştîpêdayîşî zî seba şarê kurdî kerd.
Peynîya eşkerayîye de KNKyî vat ke bawerî û hêvîya înan est a ke ameyox de şar roşanê xo de aştî, aramî û azadîye do welatê xo de pîroz bikero.
