Agêrayîşê keyeyanê Efrînijan dewam keno ke warê xo ra ameyî koçberkerdiş.
Nêzdîyê hezar û 700 keyeyê Efrînijî yê ke şaristananê cîya-cîyayan de mendêne, ver bi warê xo kewtî rayîr. Çarçewaya bicaardişê peymana 29ê çeleyî ya mabênê HSD û Hukmatê Demkî de, ewro grûba 8. ya koçberanê Efrînî ver bi warê xo kewtî rayîr.
Grûba 8. hezar û 700 keyeyanê Efrînijan ra yena pê ke Qamişlo, Dêrik û Girkê Legê de mendêne. Grûbe seba ke agêra warê xo, saetanê serê sibayî yê ewroyî de Çatrayîrê Şehîd Yûsif Gulo yê Qamişlo de ameye pêser û ver bi Efrînî kewtî rayîr.
