Hunermend Bermal Çem seba vîrardena gerîlaya şehîd Ararat Zerzevan bi nameyê ‘Evîna Ararat’ deyîre û klîbêke newe amede kerd.
Hunermend Bermal Çem a ke hîkayeya trajîk ya Ararat Zerzevanî ra tesîrdar bî, hîsê xo kerdê şîîre û bi hemkarîya Memo Gul û Mazlûm Rewşen deyîrêk amade kerd.
Gerîlaya şehîd Ararat Zerzevan a ke domanîya xo de her tim wexto ke varan varîyane vejîyana teber û varan verar kerdêne. Ararat a ke badê ra bîya gerîla zî no tradîsyonê xo dewam kerdo la çi heyf ke serra 2021 de wexto ke reyna vejîyaya verê varanî bi pirodayîşê bilûske ra koyanê Kurdîstanî de cuya xo ra bîya.
Bermal Çem seba na deyîra ke viraşta klîbêke zî amade kerda. Klîba ke hetê Art Records Produksîyonî ra ameyo viraştene bi rejîsorîya Tarik Demir ame antene. Klîb qenalê Youtube ya Art Records de ame weşanayene.
