Ser erdlerzê Mereşî di serrê vîyart la belê hema zî problemê û dejê welatijan nêameyê çareserkerdêne. No ser ganî nika ra pey viraştişê awanîyan goreyê “Şaristanê zexm” “Manîfestoya Kemîkerdişî ya Rîskê Afetî” berê viraştêne.
6ê Sibata 2023î de bi merkezê Mereşî 2 erdlerzê gird pêameyê. Erdlerzo yewin saet 04.17 de bi dereya 7.8î pêame û erdlerzo diyin zî bi dereceya 7.5î pêame di nê erdlerzê de bi fermî 50 hezarê ra zêde kes cuya xo dayê la goreyê nê fermî zî 300 hezar kesê ra zêde merdim cuya xo dayê. Nê erdlerzî ra 11 şaristan û xususî zî Mereş, Hatay, Meletî, Semsûr zirarê gird dîyê.
Nika rojeva pêroyîya Tirkîya de telûkeyê erdlerzî yê Behrê Ege est ê. No zî nîşan dano ke Tirkîya de her tim telûkeyê erdlerz û sewbî rîskê xozaye est ê. No ser ganîya ke rîskê afetî ser o vergirewtişê avzel bêrê girewtêne.
Nika bi hezaran tesîsê rîyê teberê lîyakatî yenê viraştêne. Bi girewtişê ruşvetî mutehîtan bi asanî bînayan virazenê. Tewro peynî hewna Bolu de bi veşayişê otelêk 78 welatij cuya xo dayê.
Manîfestoya kemîkerdişê rîskî şert o
Îdareyê merkezî û heremî, ganî heme awanîyê xo goreyê belgeya ke hetê NY’î ameya hadrekerdêne ya “Şaristanê zexm” û “şaristanê xo, xobixo hadre kena” de bivirazê û kampanyayê “Manîfestoya Kêmkerdişî ya Rîskê Afetî” destpê bikerê.
Çarçiweya na manîfestoye;
-Goreyê çime û kapasîteya şaristanî, modelêko bi beşdarîya heme dorûveran,
-Bi beşdarîya komelê şaristanîyîye, rayberîyêka bihesabdayêne,
-Pêroyîya şaristanî de xizmetê binawanîye û zexmkerdişê awanîyan,
-Goreyê aqil û îmarî, newe ra dîzaynê şaristanan,
Netîce de 6ê Sibata 2023î de bi deshezaran welatijê cuya vînî kerdê. Bi mîlyar dolaran no welat pere vînî kerd. No ganî banê ke newe yenê viraştiş, goreyê manîfestoya kemî rîskî bêrê hadre kerdêne. Hewna na pêvajo de zî koordînasyonêk merkezî û herêmkî bêro awankerdiş. Heme pêvajo zî çarçiweya şeffaf û dayişê hesabî bêra viraştiş.
