Şaredarîya Peyasî bi wesîleya 21ê hezîrane Roja Muzîkî ya Dinya, Parka Yeşîl Kûşakî ya Peyasî de programê muzîkî viraşt. Beşdaran pîya deyîrê aştî vatî û govende girewte.
Şaredarîya Peyasî ya Amedî bi munasabetê 21ê hezîrane Roja Muzîkî ya Dinya, Parka Yeşîl Kûşakî ya Peyasî de programê muzîkî viraşt. Xeylê kesî tewrê programî bîyî û pîya deyîrî vatî. Wendekar û perwerdekaranê Atolyeya Hunerî ya Yekta ke girêdayeyê Serekîya Karên Kulturî û Komelî ya Şaredarîya Peyasî ya, bi erbane û deyîran rayraşîyayîşêk viraşt û şarê taxê dawetê programî kerd. Hevsereka DEM Partî ya Amedî Gulşen Ozer, cagirê Hemşaredaranê Peyasî û xeylê endamê Meclîsê Şaredarî tewrê programî bîyî. Beşdaran pîya deyîrê aştî û azadîye vatî û govende girewte.
Organîzator û tewrbîyayoxan dîyar kerd ke ê bi muzîk, deyîr û govendanê xo yê ke aştî, yewîye û kulturê cuya hempare gird kenê, do pêro pîya melodîya cuyê hîna xurt û zengîn bikerê.
Çalakî sey nimuneyêka eşkera ya xurtkerdena yewîye bi rayîrê huner û muzîkî ameye erjnayene.
