Raporê Rojwelat Kizmaz ke Êlih de hawayêko bi guman cuya xo ra bîbî, ame destfînayene. Raporî de, nimuneyê nenûgan ra sewîyayêka nizm de DNAyê camêrdî ame tespîtkerdene.
Rojwelat Kizmaz ke Êlih de 9ê sibata 2024î de vindî bîbî û hawayêko bi guman cuya xo ra bîbî, meyîtî aye, Awbendê Ilisu de amebi vînayîş. Seba ke “hewceyî teqîbkerdişî nêmendo” dosyaya Rojwelat Kizmaze ameybî padayîş. Bi serran o mergê Rojwelat Kizmaz o bi guman nêamebi zelalkerdene. JINNEWS, xo resna raporê Rojwelat Kizmaz ke badê mergê aye amebi viraştene.
DNA’yê camêrdî ser o cigêrayîş nêame kerdiş
Raporê otopsî yê Rojwelat Kizmaz de ame eşkerakerdene ke nimuneyê nenûgan ê ‘destê çepî 5’ ra sewîyayêka nizm de DNAyê camêrdî û profîlê Y-STR ameyo tespîtkerdene; la ame dîyarkerdene ke na DNA ser o cigêrayîş nêameyo kerdiş.
Raporê otopsîyî de ke ameyo hedrekerdene, tu agahîyêk wextê mergê Rojwelat Kizmaz ser o nêameyê qeydkerdiş. Sewbîna ame vînayîş ke raporê otopsî de persê bêcewab nêameyê zelalkerdiş û girewtişê dosya zî bi xo problemêko balkêş o.
