Şubeyê Egîtîm Senî yê Hûmara 3. a Amedî qezaya Erxenî de merasimê xelatdayîşî yê Musabeqaya Hîkayeyan ya 2. a Narîn Guranê ameyê viraştene.
Şaxa Egîtîm Senî ya Hûmara 3. a Erxenî yê Amedî seba virardişê Narîn Gurane Erxenî de programê xelatdayîşê Hîkayeyan a Narîn Gurane ame organîzekerdene. Program o ke salona dawete de ame viraştene, Hemşaredarî Bîrsen Azak Bayar û Şîyar Guldîken, rêxistinê qezaya Erxenî yê partîyanê DBP û DEM Partî, endamê meclîsê Şaredarîya Erxenî, endamê Egîtîm Senî, keyeyê înan û xeylê temsîlkarê sazgehanê sivîlî û kesî tewrê ci bîyê. Program de ewilî Hemsereka Şubeyê Egîtîm Senî yê hûmara 3. ê Amedî Gulser Sargule qisey kerd.
Gulser Sargule dîyar kerd ke kedkarî wextêko çetin ra derbas benê û seba derbaskerdişê nê zehmetîyan muhîmîya paştîdayene dîyar kerd. Gulser Sargule dîyar kerd ke kulturê paştîdayene do demê aver de têkoşînî xurt bikero.
Hemşaredara Erxenî Bîrsen Azak Bayare zî bale ante serê şîdetî û qetilkerdişî cinî û gedeyan û seba organîzekerdişê programê biqîymetî Egîtîm Senî rê sipas kerd. Badê qiseykerdişan, Grûba Muzîkî ya Şubeyê Egîtîm Senî vejîye sehneyî ser û performansê înan hetê beşdaran ra bi eleqeyêke girdî ame goşdarîkerdene. Dima ra goreyê erjnayîşî jurîyî, seba nuştox û heskerdoxanê edebîyatî yê serkewteyan xelatî ameyê dayene.
Merasim verê deyîranê grûba Muzîkî ya Cinîyan a Sendîkaya Perwerdeyî ya Amedî dewam kerd û qedîya.
