Mudirê Daîreyê Karanê Kultur, Huner û Komelî yê Şaredarîya Amedî ya şaristanê Girdî, kovara xêze û xêzehîkayeyan a bi nameyê ‘BAJAR’ daşinasnayene. Şinasnayene de ame vatene ke kovare eşkena bi nê awayî bi her ziwanî, heme cayan de bêro çapkerdene.
Mudirê Daîreyê Karanê Kultur, Huner û Komelî yê Şaredarîya Amedî ya Şaristanê Girdî, Merkezê Kultur û Hunerî yê ÇandAmedî de programê daşinasnayîşê kovara xêze û xêzehîkayeyan ê ‘BAJAR’ viraşt. Xeylê kesî tewrê programê daşinasnayîşî bîyî. Daşinasnayîş de hûmara yewine ya BAJARî ameya vilakerdene. Kovare hûmara xo ya destpêke de bi zaravaya kurdkî ya kurmancî dest bi cuya xo ya weşanî kerd.
Daşinasnayene de Rayberê Beşê Ziwanî yê Şaredarîya Amedî ya Şaristanê Girdî Tahîr Baykuşak, Sereka Dayîreyê Kulturî û Karanê Komelî yê Şaredarîya Amedî Zeynep Yaşe û edîtorê kovare Dogan Guzel qisey kerd.
Waştişê ma no yo ke kovara ma bi heme dîyalektanê kurdkî bêro weşanayene
Tahîr Baykuşak qiseykerdişê xo de da zanayene ke tewr kêmî 18 serrî yo nê warî de xebatan rayra benê û wina vat: “Helbet destpêke ra roja ke 1898 de Kurdîstan vejîya û badê ra welat de nêbî, mecbûr mend ke xerîbî de Misir de dest pê bikero. Nika ma kêfweş û sereberzê sey Şaredarîya Şaristanê Girdî ke xebatanê zafziwanî, ma dayo vernîya xo ma kerda polîtîkaya xo ya bingeyîn, kovarêka ‘BAJAR’ xêzeroman, ma çapê weşangerîya kurdkî, weşangerîya kurdkî de zêdê kenê. Waştişê ma no yo ke kovara ma bi heme dîyalektanê kurdkî bêro weşanayene, bi soranî zî. Ma zerrweşî aye şayîyêka amade bikerê Başûr û Rojhelatê welatî de. Çi şaredarî çi şaristanî ke biwazê kovar û xebatê xêzeromanî, xêzekovare seba înan amede bikero. Ma hedreyê ke bi heme zaravayan na kovare vejîyo. Hêvî kena ke emrê aye derg û xêzkarê aye zêde bibê.”
‘Ma hêvî kenê ke heme dîyalektê ma bikewê cuya şarê ma’
Sereka Dayîreyê Kulturî û Karanê Komelî yê Şaredarîya Amedî Zeynep Yaşe zî qiseykerdişê xo de ard ziwan ke kovara BAJAR do bibo meymanê heme kesî û wina vat: “Bi hêvîya ke ma vajê xêzkarê kurdî ci rê eleqedar bibê û ê bi nê xêzê kulturê kurdkî, ziwanê kurdkî, rexnegirîya kurdkî mîzahê kurdkî bi hawayêko rasterast bi raya Bajar bi raya xêzkarîye do bikerê keyeyê ma hemînan û do bikerê zerrîya ma hemînan. Ma hêvî kenê ke şopdarê ey zêdeyêr bibê û xêzkarî zî zêdeyêr şaredarî de di xizmetê ziwanî de do bieşkê nê karî û xizmetî aver bêrê û şorê. Hem bi hawayêko dîjîtal hem zî heta îmkanê ma bibê ma bieşkê bi hawayêke çapkerde şima rê çap bikerê û vila bikerê. Ma hêvî kenê ke heme dîyalektê ma bikewê cuya şarê ma.”
‘Çar parçeyan de estbîyayîşê kovarêka perîyodîke seba ma zaf muhîm o’
Edîtorê koware Dogan Guzelî zî derheqê kovare de no erjnayîş kerd: Kovara ma mîzahî ya. Rast a, xeylê hewce ya. Kovare her wext her çî mîyanê xo de hewênena, semedêko kovare her ca de est a, sey wasitayêka ke bi ziwan her çî bîyaro ziwan. Çîyêk est o ke no kar tena serê înternetî de nîyo. Ez bawera no îmkan bibo xêzkarê Rojhelat de vejîyê, Rojava de vejîyê û seba înan na kovare do her tim bibo. Sewbîna Amadekarê ma yê soranî zî do bibê. Çar hetan de kovarêka perîyodîke bibo, seba ma zaf muhîm a.”
