Mahkemeya Dewleta Tirke ser îfadeyê îtîrafkar Umît Akbiyik 6 serrê û 3 aşmê cezaya hepsî da Halîse Aksoye ke asteyê lajê ci qutiyêke de bi kargoye teslîmê ci ameybî kerdêne.
Halîse Aksoy ke asteyê lajê ci Agît Îpek qutiyêke de bi rayîrê kargo teslîmê ci ameybî kerdêne, ser îfadeyê îtîrafkar Umît Akbiyik bi îdiaya “endamîya rêxistinî” 6 serrê û 3 aşmê cezaya hepsî ame birnayiş. Ser îfadeyê îtîrafkar Akbiyik, Halîse Aksoy 28ê Nîsana 2023î de ameybî girewtêne û dima zî ameybî tehlîyekerdêne.
Roniştişê 7ine yê doza Halîse Aksoye Mahkemeya Cezayê Girane ya Amedî ya 10ine de ame viraştiş. Halîse Aksoy beşdarê roniştişî nêbî la avûkatê ci Zeynep Karayilan û Necat Çîçek hadre bîyê. Mahkeme ser îfadeyê îtîrafkar Umît Akbiyik 6 serrê û 3 aşmê cezaya hepsî da Halîse Aksoye.
