Avûkatê Abdullah Zeydan, Mehmet Emîn Aktarî dava ra dime qesî kerd û va: No qerar seba cezakerdena yew sucî nîyo. No qerar seba amedekerdena zemînê qeyûmî yo. Qerarêko polîtîk o.
Ronîştena 8. a doza Hemşaredarê Bajarê Pîlî ê Wanî Abdullah Zeydan bi Mahkemeyê Cezaya Girane ê Amedî yê 5. de ame muhakemekerdiş. Muhakemî bi îdîaya “Bi zanitene û bî zerîkerdene alîkarîye da rêxistine” 3 serrî û 9 aşmî ceza hepsî dê Abdullah Zeydanî.
Avûkatê Abdullah Zeydan, Mehmet Emîn Aktarî dava ra dime verê Edlîyeya Amedî de eşkerayîye dê û va: “Heyetê mahkemî qerarê xo verde ra da bî. Goşê xo nêda serê pawîtîşê ma. No het de heqê pawîtene fîşt binê lingan ra. Heyetê mahkemî bi nî nêzdîbîyayîş û qerarê xo îddîaya ke mi çend aşman nayera ver kerdbî a iddîa mi dê rastkerdene.
No qerar seba cezakerdena yew sucî nîyo. Qerarê cezakerdena seknê polîtîkî yo. No qerar seba amedekerdena zemînê qeyûmî yo. Qerarêko polîtîk o.”
Aktarî derheqê qerarî de vatena xo nîya qedênê: “Îhtimalêde pîlo ke no qerar mahkemeyo corên de rêna bêro betalkerdene. Zeydan eke şaredar nebîyêne nî mahkemeyî de beraat girotêne. Ayera qerar sîyasî û bê hiqûqo.”
