Hemşaredara Şaredarîya Amedî ya Şaristanê Girdî Serra Bucak roniştişê meclîsî de qisey kerd û va “Na komploya vera Abdullah Zeydan û Neslîhan Şedal û kesayetîya înan de vera îdareyê Wanî û şarê Wanî yo ke 14 şaredarîyê xo bi serkewtişêko gird girewtî, ma nê çî şermizar kenê.”
Bucak têkilîyanê xo yê Zurîhî ra behs kerd û va ke ê mabênê Zurih-Amedî de Pirdê Dostanîye ke 2016 de dest pêkerdbî reyna newe kenê. Aye va ke Zurîh de seba derûdorî, eşteyê huşkî, agoznayîşê awe û seypêyîya cinîyan xebatê muhîmî kerdê û uca ra zaf çî musayê.
Derheqê cezaya Zeydanî de qiseykerdişê xo dewam kerd û va “Hetêk ra gamê aştî û demokratîkbîyayîşî yenê eştene, hetêk ra zî dosyayê ewroyinî bêrê lezkerdiş, no çîyêko xelet o. Ganî qeyumî êdî nêrê tayînkerdene çunke demê nê çî vîyarto. Hemşaredarê ma îradeyê Wanî yê û şarê Wanî reyde do vera nê çî vinderê û do nêverdê ke qeyum bêro tayînkerdene.”
