MYKyê DEM Partî, seba ke halo peyên bido “Xerîtaya Rayîrî” ke derheqê vengdayîşê Abdullah Ocalanî de vejîyayo, ameyo têhet.
Vengdayîşê Rayberê Şarê Kurd Abdullah Ocalanî de ke 27ê sibate kerdbî û Hepisxaneyê Tîpê F yê Îmralî de yeno tepiştiş, cayê xo rojeve de paweno. DEM Partî seba “Vengdayîşê Aşitî û Komelê Demokratîkî” yê Ocalanî kewt hereket.
Heme hemşaredarê şaristanan û endamê Meclîsê Partî (PM) yê DEM Partî, vizêrî pêşengîya Hemsereka DEM Partî ya Pêroyî Tulay Hatîmogullarî û Tuncer Bakîrhanî de ameyî têhet. Badê kombîyayîşî ke derg dewam kerd, “Xerîtaya Rayîrî” ameye vetene. Kombîyayîşî de, seba ke halo peyên bidîyo xerîtaya rayîrî, Komîteya Merkezî ya Îdareyî (MYK) rê selahîyet ame dayene.
Xerîtaya Rayîrî ya Demê Neweyî
MYKyê partî zî ewro awanîya partî de ke Buklumî de ya, ameyo têhet. Kombîyayîş do derg dewam bikero û halo peyên bidîyo xerîta rayîrî ke PM’yî ra vecîyayo. Xerîtaya rayîrî ke do MYK bikero qerar, do çarçewaya “Sîyasetê demokratîk yê demê neweyî” de bibo.
