Çarçewaya çalakîyanê 8ê Adare de Meclîsê Cinîyan yê DEM Partî yê Rihayî Girê Mirazan de gêrayîşêk organîze kerd.
Meclîsê Cinîyan yê DEM Partî yê Rihayî çarçewaya çalakîyanê 8ê Adare Roja Cinîyan a Dinya de Girê Mirazan de gêrayîşêk organîze kerd. Endamê Meclîsê Cinîyan yê DEM Partî yê Rihayî, aktîvîstê TJA’yî û Dayîkê Aştî tewrê gêrayîşî bîyê.
Gêrayîşî de derheqê tarixî Girê Mirazan de malûmatî ameyê parekerdene û bale ant rolê cinîyan ê tarixî.
Gêrayîşî ra dima Hemsereka DEM Partî ya Rihayî Sema Aişeoglu qiseykerdişêko kilm kerd û bale tarixê Girê Miraza ser o û behsê tarixê cinîyan kerd. Sema Aîşeoglu dima vengda cinîyan ke tewrê çalakîyan 8ê Adare bibê.
Gêrayîşê cinîyan bi vatişê sloganê “Jin jîyan azadî” qedîya.
