TJA bi munasebetê 8ê Adare Roja Cinîyan a Dinya seba ke bale bianco cinîyan ke ameyê kiştene, çemê Dîcleyî ser o zincîra cuye viraşte.
Tevgera Jinên Azad (TJA) çarçewaya programanê 8ê Adare de parka Meleyê Cizîrî ya qezaya Cizîrî ya Şirnexî de çalakîya zincîra cuye viraşte. Dayîkê Aştî û xeylê cinîyî tewrê programî bîyê. Cinî parke de kom bîyê û fotografê cinîyan ke ameyê kiştene, girewtê. Cinî heta verê çemê Dîcleyî bi slogana “Jin jîyan azadî” rayîr ra şîyê û tîya de beyanat da. Beyanatî de aktîvîsta TJA’yî Bêrîvan Kutlu qisey kerd. Bêrîvan Kutlu bale ant kiştişê cinîyan ser o û wina vat: “8ê Adare ma heme cinîyan rê pîroz bo. Heme qadanê cuye de cinî yenê kiştene. Ferasetên camêrdî de bedilîyayîş çin o. Ganî ma vera ferasetê camêrdî xover bidê bidê. Heta ke cinî azad nêbî ma do her roje bikerê 8ê Adare. Wexto ke ma wazenê seba cinîyan beyanat bidê derûdorê ma gênê la wexto ke cinî yenê kiştene çîyêk nêkenê. Ewro ma verê çemê Dîcleyî de ke xeylê cinîyan xo riyê zilmê camêrdan tîya de xeniqnayo, ma vanê heta ke cinî heqanê xo bigîrê do xoverdayîşê ma dewam bikero.”
Beyanat bi vatişanê sloganan qedîya.
