Serekê EMEP’î Seyît Aslanî pêvînayîşê bi DEM Partî ra dima pare kerd ke ganî tecrîd bêro wedaritene û îqtîdar gamanê zelalan bierzo.
Hemserekanê DEM Partî Tulaye Hatîmogullari û Tuncer Bakirhanî temsîlkaranê Partîya Kede (EMEP) reyde Meclîs de pêvînayîş kerd. Pêvînayîş de vengdayîşê ‘Haştîye û Komelê Demokratîkî’ yê Rayber Apoyî ame ercnayene.
Dima derheqê pêvînayîşî de eşkerayîye dîyaye.
Serekê EMEP’î Seyît Aslanî pêvînayîş de vat: “No proses seba çareserîya meseleya kurdan zaf girîng o. Serkewtişê nê prosesî do bi şaran bido qezençkerdene. Partîya ma seba ke şer û pêkewtişî biqedê heta peynî do destek bida nê prosesî.
Nê prosesî de ganî her kes erk û mesuldarîyanê xo bîyaro ca. Ganî tecrîdê Îmraliyî bero wedaritene û îqtîdar seba averşîyayîşê prosesî gamanê zelalan bierzo.”
Tuncer Bakirhanî zî dîyar kerd ke Rayberê Şarê Kurd Abdullah Ocalanî seba ke meseleya kurdan bi muzakere û dîyalogan bêra çareserkerdene no vengdayîş kerdo û vat: “Bi beşdarîya pêro partîyan û dezgehan no proses do ser bikewo. No metn seba pêro şaranê Tirkîya yo.”
Heyetê DEM Partî ewro CHP’yî zî do zîyaret bikero.
