Şaristanê Mazlum Doganî de demê pîrozkerdişê Newroze Gulten Kişanak va ke ganî seba averşîyayîşê pêvajoye Birêz Ocalan azad bibo.
Awankerdoxê PKK’î Mazlum Dogan 21ê Adara 1982î de verba zilm û zordarîya Rayberîya Hepisxaneyê Hûmara 5. a Amedî de laşê xo ver adirî û şaristanê Mazlum Doganî de Newroz ame pîrozkerdiş. Pîrozkerdişê Newroze ra sîyasetmedar Gultan Kişanak, wekîlê DEM Partîye, hemşaredar û welatijî beşdar bîyê. Newroze ra welatijan bi cil û bergê kurdewarî beşdar bîyê, govend girewtê û bêmîyan siloganê “Bijî Serok Apo” û “Bijî berxwedana zindanan” qirayî.
Pîrozkerdiş de şehîdê azadî û demokrasî ameyê vîrardene. Hemserekê Songul Duzgun û Cafer Ogur û DEM Partîya DEP’î Bekîr Polat qise kerd.
Bekîr Polat va ke DEP hafizaya kurdan de cayêko avzel o, no şaristan Mazluman vet o û no ser DEP ruhê têkoşînî yo û Polat Dayîka Sakîne ard vîr.
‘Wa têkoşînê ma aştî ra bibo wesîle’
Waya Mazlum Doganî, Arîfe Yildirim zî dîyar kerd ke wa têkoşînê înan aştî ra bibo wesîle. Arîfe Yildirim Sûrîye de qirkerdişê elewîyan şermezar kerd.
Peynîya qiseyan wekîlê DEM Partîye, Sîyasetmedar Gultan Kişanak û temsîlkarê partîye bi siloganê “Bijî Newroz” adirê Newroze vistê.
Do her ca de adirê Newroze berz bibo
Wekîla Dêrsimî ya DEM Partîye Ayten Kordu zî va ke do her ca de adirê Newroze berz bibo, Newroz biba wesîleya demokrasî, cuyaya adaletî ra.
Newrozê Ocalanî pîroz kerd
- Wekîlê Çolîgî yê DEM Partîye Omer Faruk Hulaku zî aşkera kerd ke Mazlum Dogan bi hîrê çopê kîbrîtî adirê Newroze gird bî, nika zîhnîyeto ke Newroz nêşînasnaynê çin bî û wina va: “Ez Newroza Rayberê Şarê Kurd Abdullah Ocalan pîroz kena.”
Xeyalê ma rê tikey mend
Sîyasetmedar Gultan Kişanak zî wina qise kerd: “Ma do hîna zaf Newrozan pîroz bikerê, ma seba ameyoxê xo xeyal kerd, bi nasname, ziwan, kultur û tarîxê xo biciwî û no xeyalê ma rê tikey mend. Serekkomar Erdogan vatbî; pêvajo weş aver şona û êdî dora Meclîsî ya. Birêz Ocalan Îmrali ra binê tecrîdî de bi cesaretî verpirsîyarêka gird girewt û vengdayîşo tarîxî kerd. Do berê hepisxaneyan biabî, embazê do biresê ma. Na pêvajo de ganî ma bi cesaret têbigerê. Ma hîna vîşêr xo rêxistin bikerê û rayîrê ma akerde yo.”
Pîrozkerdişê Newroze bi vatişê deyranî yê Ciwan Adarî peynî bî.
