Zarok TV bi wesîleya 10. Serrgêra xo Çand Amed de şayîyêk viraşt. Şayî de Serekê Heyetê Zarok TV’î Faruk Korkmaz qise kerd û va: “Ma do her dem seba domanê kurd mîyanê têkoşînî de bibê.”
Zarok TV bi wesîleya 10. Serrgêra xo Çand Amed de şayîyêk viraşt. Şayî de rayberê Zarok TV û xeylê welatij bi domanê xo ra beşdarî şayî bîyê. Salonê Çand Amed bi balona ame xemilnayene. Salon bi seyan domanan ra dekerde bî.
Bername sînevîzyonê “10 serrîya” Zarok TV’î destpê kerd. Dima sînevîzyonê Serekê Heyetê Zarok TV’î Faruk Korkmaz qise kerd. Korkmaz dîyar kerd ke şert û mercê giran de ê destpêkerdê la nika resayê bi hezaran domanan.
Korkmaz wina va: “Şima zanenê heqê pêroyîya domanê dinya de cuyenê est o, seba domanê kurd verê des serran ma Zarok TV awan kerd. Şert û mercê giran de ma Zarok TV’î awan kerd la ti astengîyan ma armancê ma ra dûr nêvist. Ma do her dem xo ra bawer bibî. Nê 10 serrê de sazîyê ma, ma tena nêverada. Ma do her dem seba domanê xo mîyanê têkoşînî de bibê.”
Peynîya qisekerdişê Faruk Korkmaz seba hetkarîya sazîyan ya seba Zarok TV’î plaket ame dayene. Şayî bi konserê Koroya Zarok TV û Koma Şubdap qedîya.
