Elewîyanê şaristanê Dêrik veng da heme hêzan û wina vat: “Wa qirkerdîşo ke vera elewîyanê Sûrîye yeno kerdiş, bêro vindarnayene.”
6ê adare ra nate herêma qeraxê Sûrîye de qirkerdîşê elewîyan yeno kerdiş. Goreyê çimeyê zanayîşî doman, cinî, kalî zî tede hezar û 500 ra zêdeyêr kesî ameyê kiştene.
Elewîyê ke şaristanê Dêrik de weşîya xo ramenê, vera qirkerdişê elewîyan reaksîyon nîşan da û waşt ke qirkerdiş bêro vindertene.
Silêman Risto diyar kerd ke ê bi dejêko de gird qirkerdişê elewîyanê Sûrîye yê kişta dengizî rê şahidîye kenê û va: “No qirkerdiş ameyo astêka winasîne ke kes nêeşkeno cenazeyan defin biko. Nê terorê qirkerdişî tena vera elewîyan nîyo vera pêro mordemîye yo.”
Silêman Ristoyî ard ziwan ke ganî Neteweyê Yewbîyayeyî û rêxistinê mîyaneteweyî qirkerdişê vera elewîyan ravaznê û heqê şaranêqijan Sûrîye de bêrê pawitene. Omidê mi est o ke Rayberê Pêroyî yê Hêzanê Sûrîya Demokratîke (HSD) Mazlûm Ebdî no derheq de gaman erzeno û qirkerdişê elewîyan dano vindarnayene.”
Şerê mezheban herême dekeno tarîtîye
Hatim Sihêm zî qirkerdişê vera elewiyan şermezar kerd û va “sucêko vera mordemîye yeno kerdene û gerê rojê ravêr bêro vindertene.”
Hatim Sihêm venga komela miyanneteweyî kerd ke berpirsyarîya xo bîyarê ca û nê qirkerdişî ravaznê. Va ke zêdebîyayîşê şerê mezheban hereme dekeno tarîtîyêka girde.
