Gel li navçeya Cizîrê bi şahiyekê cejna Newrozê pîroz kir. Girseya gel, bi meşaleyan meşek li dar xist û Newroz pîroz kir.
Girseya gel li navçeya Cizîrê ya Şirnexê bi şahiyekê cejna Newrozê pîroz kir. Bi sedan welatî li taxa Sûrê ya navçeya Cizîrê kom bûn û şahiya Newrozê li dar xistin. Berdevka Partiya Wekhevî û Demokrasiyê ya Gelan (DEM Partî) Ayşegul Dogan, parlamentera DEM Partî ya Şirnexê Newroz Uysal Aslan, hevşeredarên Cizîrê Guler Yerbasan û Abdurrahîm Durmuş jî tevlî şahiyê bû.
Zarok, jin, ciwan û kal bi cil û bergên Kurdî û xemla kesk, sor û zer tev li şahiyê bûn. Welatiyan li taxê agir geş kirin û li ber agirê Newrozê bi seatan govend gerandin. Welatiyan li ber stranan bi coşeke mezin Newroz pîroz kirin. Di pîrozbahiyê de welatiyan bê navber dirûşmeyên, “Bijî Serok Apo”, “Jin Jiyan Azadî” û “Newroz pîroz be” berz kirin.
Bi meşeleyan meşiyan
Piştre jî jin, li Çarkendal bi meşeleyan meşiyan. Meşaleyên di destê jinan de li Çarkendalê ku li jora Cizîrê re ye, dimênên rengîn derxistin hole. Jinan li Çarkendal bi meşeleyên bê navber dirûşmeyên, “Jin Jiyan Azadî” berz kirin. Jinan meşeleyên xwe bilind kirin û şeva tarî ronî kirin. Jinan bê navber dirûşmeyên, “Bijî Serok Apo”, “PKK gel e gel li vir e”, “Newroz pîroz be” berzkirin. Jinan di meşê de sirûda, “Çerxa şoreşê” xwendin. Jinan bi meşeleyên xwe agir geş kirin û li ber stranan govend gerandin.
