Temsîlkarê DEM Partî, DBP û YAKAY-DER’î sembola Newroze Zekîye Alkan mezelê aye yê Îzmîrî de ard vîrê xo.
Temsîlkar û rayberê DEM Partî, DBP û YAKAY-DER’î sembola Newroze Zekîye Alkan ke Newroza 1990î de Sûrê Amedî de ganê xo daybî, vera adirî de arde vîrê xo. Bi munasebeta serrgêra şehadetê aye rayberê dezgeh û partîyan mezelê aye ser o kom bîyî û a arde vîrê xo. Temsîlkarê DEM Partî, DBP û YAKAY-DER’î ke mezelî ser o kom bîyî, rêz girewt û dima qisey kerd. Parlementerê DEM Partî yê Îzmîrî Îbrahîm Akînî qisey kerd û sozê têkoşînî da. Maya Aştî Medîne Kaymaz zî dîyar kerd ke ê rayîrê înan roşn kenê û do têkoşînê înan gird bikerê. Koma ke badê vîrardişî dirişmeyanê “Şehîd nêmirenê” berz kerd, bername qedêna.
