Hêrişanê Îsraîlî yê Filîstînê ser o dewam kenê. Wezaretê Weşîye yê Xezayî dîyar kerd ke hêrişanê Îsraîlî yê 48 saetanê peyênan de tewr kêm 130 filîstinîjî ameyê kiştene.
Şerê mabênê Îsraîl û Filîstînî de ke 7ê teşrîna peyêne ya 2023î de dest pêkerd, 18 aşmî derbas kerdê. Wezaretê Weşîye yê Xezayî eşkera kerd ke hêrişanê Îsraîlî yê 48 saetanê peyênan de tewr kêm 130 filîstînijî ameyê kiştene û 263 kesî zî birîndar bîyê. Wezaretê Weşîye eşkerayî de dîyar kerd ke 18ê adara emserrî ra nat hûmara kişteyan bîya 634 û ya birîndaran zî resaya 1172.
Goreyê malûmatanê wezaretî 7ê teşrîna peyêne ya 2023î ra nat netîceyê hêrişanê Îsraîlî de 49 hezar kesî ameyê kiştene û 113 hezar kesî zî birîndar bîyê.
