Şarê Minbicî cuya xo ya rojane rê dewam keno û rixmê agahîyanê deformeyan û gefanê hêrişî zî şaristan gandar o.
Dima ke cerganê HTŞyî dest bi hêrişanê neweyan kerd şerê Sûrîye de rîpelê neweyî abîyî. Ge ge mabênê hêzanê Şamî û cerganê HTŞyî de pêkewtişî qewimîyenê û no seke mudaxeleyê hêzanê mîyanneteweyîyan yeno ercnayene. Hetê bînî ra Dewleta Tirk zî gêrena ke na rewşe ra îstîfade bikera û polîtîkayanê xo yê qirkerdişê kurdan bîyara ca. Coka Dewleta Tirk cerganê xo reyde verê xo dana Minbicî.
Minbico ke 2016 de destê DAÎŞî ra amebi xelisnayene tim hedefê îşxalê Dewleta Tirk de yo. Dewleta Tirk nika zî verê xo dana şaristananê Rojawanî. Medyaya şerê taybetî zî serkêşîya na rewşe kena. Medyaya şerê taybetî wina lanse kena ke Minbic hetê şar û Meclîsê Leşkerî ra ameyo teriknayene.
La ajansê ANFî rewşa şaristanî ya peyêne qeyd kerde. Şarê Minbicî cuya xo ya rojane rê dewam keno û rixmê agahîyanê deformeyan û gefanê hêrişî zî şaristan gandar o. Hetê bînî ra şaristan de dezgeh û rêxistinê Îdareyê Xoserî karanê xo rê dewam kenê. Meclîsê Leşkerî zî her roje hêrişan û xîretanê cergan pûç kena. Şarê Minbicî zî vano ke 8 serran ra nata cara rewşa hêrişanê muxtemelan dewam kena û ê bi cuya xo ya hempare heqê hêrişan ra yenê.
