Welatijê şaristanê Dêrikê, Girkê Legê û Çilaxayê seba beşdarîya çalakîya nobetî bibê, verê xo dayê Awbendê Tişrînî.
Bi desan welatijê şaristanê Dêrik, Çilaxa û Girkê Legê yê Kantonê Cizîrî ke warê pêroyî ameyê hetê yewbînan, seba beşdarîya çalakîya nobetî bibê, bi moralêko berz ver bi Awbendê Tişrînî ra kewtê rayîr.
Welatijê her hîrê şaristanan do nobetê pawitişê awbendî, welatijê Hesekê, Şedadê, Dirbêsiyê, Zirgan û Til Temirî ra dewr bigê. 8ê Çeleyê emserre şarê Sûrîyeya Rojhilat û Bakûrî seba pawitişê awbendî û nîşandayîşê dijvertîya xo, verba hêrişê Dewleta Tirk û hêzê paramîlîterê ci de çalakîya nobetî bi rêxistin kenê.
