Zeynep Kiliç ke Şaredarîya Dêrsimî ra karî ra ameya eştine, nê 3 rojî ke a û hevalanê xo 3 rojîyo ke çalakîya de rê û va ke: “Elaqayê mi hetê sîyasetî çin o, çin o! Sîyasetê mi çik o, karê min o. Domanê ma yo, kilamê ma yo, yanî no yo.”
Zeynep Kiliça ke 4 serrîyo Şaredarîya Dersîmî de Ziwanê Kirmanckî de koroya domanan, tîyatro û kayê domanan ser kar kerdêne bi destê qayimî kar ra amebî vetene. Zeynep Kiliçê û hevalanê xo ewro 3 rojîyo çalekîyê de rê. Zeynep Kiliçe Ajansa ma (AW) rê gesî kerd.
Domanê rê feyda ci estbî
Zeynep Kiliç ard ziwan ke a kewta kar nêkewta, hema hema pîya gûrîya û wina va: “Sima wes û war bî, yenê program û karê ma ancenê, ma danê naskerdene û ona vaja şukur ki sima est ê. Ez nê 4 serra ke kewta beledîye de kar, ma girewtê kar seba zonê xo dir elaqadar bibê. Zonî ser o kilaman vanê, ma nêwazenê zonê ma vînî bo. Nê ser emeg da me, ê wast ke hunermendê ma ki binê banê beledîye de domanê ma rê feyda ci bibo. Seba kultur û hunerî ser o, co ka ma hîrê tenê hunermendî kewtê bî kar. Sifte ma koroya domanan rona û 100 tenê ra zêde telewe ame uca û domanê ma ameyê.”
‘Domanan sifte uca de kilaman gostarîtî’
Zeynep Kiliç dîyar kerd ke domanan her wext ameynî û şîynî, kilamî vatêne; belkî domanê sifte uca de kilamî goşdaritî û vatî û wina domna: “Domanan ameynî û hetê ma û vatêne kilamê ma, ma rê zaf wes yeno. Ma wazenîme ke no zon vînî nêbo, no zon qise nêbeno û sarê ma heme hetî ra nusenî û kilaman vanê. Ewta de tena may qise kenîme, no welat de zereyê zonê derî me la qise nêkenîme. Ma zonê vîra kenîme, wina nêbeno yanî koro hetanî nika dewam kerdene.”
‘Qeyûm heme karê ma asteng kerd’
Zeynep Kiliç ameyîşê qeyûmî ser o wina dewam kerd: “Heta ke qeyûm ame dewam kerdene. Ma payîz de kurs akerdenê û doman ameynî, dima dima domanan yewbînan haydar bîynî û resaynî yewbînan û kilaman vatêne. Nika doman, tena doman nê, mi va ke gere şima domanê ma rê kilam bivajîme, doman tewerê ma bî, mualîmê ma Yilmaz Atik destpê kerd û wes û war bo. Key ke deprem kurs qedîyayî, domanê ma mendê werte de. Mi bi xo konferans salonî de ders dayne domanan rê, mîllet hesîyaynî û ameynî. Mi domanê ke kilaman vanê, mi ê girewt, sima nika ra pey ronîşenî û kilamanê xo vanî. Domanê ma raşt ci rê gûrîyayî û ewta de ma program virast la hetê teknîkî problem vejîya û vengê domanê bes nêkerd. Verê ma problemê teknîkî vetî la mi esil meseleya ma karê ma yo. Nika cayê ma dersdayene çinî bî, konferans salonî onca ma ders dayene û cayê ma hemnon germ bî û ma fetesyaynî. Zimistonî zî serdî ra cemidyaynî, nika fîşê dona soboya elektrîkî û dersî virazena. Ma nêeşkîyaynî bivajê cayê ma konforlî bî û her çik ra ma est o la ma esil ma serkewtene mîyanê çînîbîyayîne de ard werte. Doman destê ma de bîyê pîl, kar û projeyê ma mencet mendî. Vengê heme domanê ma wes î, bi notan tembûr cernaynî û mi înan rê sima rê komêka rindêk vejena. Çiqa vengê sima pêro cî yo, vengêk çetîn û merdim rehetsiz keno çin o. Demo ke egîtîmê ma qedîya, hemnon ame û di asmî ara da, mi domanan ra va, sima rê konserêk biviraze û sima heme pîya kilaman vanê. Doman verê sima de cernenî, sima zî peynî de kilaman vanî. Çîyo rind verê çimê înson de aseno.”
‘Ma roja qadro girewtine karî ra estî’
Zeynep Kiliç aşkera kerd ke qeyûm erzîya beledîya înan û înan rê astengî vetî la onca zî ê karê xo domnayî û wina ard ziwan: “Karê ma çik o, ma o aver benî. Elaqayê mi hetê sîyasetî çin o, çin o! Sîyasetê mi çik o, karê min o. Domanê ma yo, kilamê ma yo, yanî no yo. Sewbîna vînî çin o, ez hina vaja ema îşte nêbî. A roje xeber ame û vatî; sima karî ra vejenî. Ma roja diseme îmza daynî seba kadro la ma karî ra eştîme. Ez ewta ra vana, hetanî peynî ewta ra ya. Na emeg û karê xo rê wayîr vejîme, ina çi yo kolay nîyo. Gere sima bêrê pers bikerî, sima ewta sekenî? Çi kar kenî, sima qey ewta ra yî, pîsporan zî vano; muzîk karê terapî yo, ruhê merdimî ra wes yeno. Xo ra derdê ci est o, yeno uca bi doman hewesê xo ano. Nika vanî olanaxê ma est o, domanê ma kêfwes benî, laj û çêna pîya yenî. Ma hîrê tenê me, îmkanê ma çin o, pere kura ra bîyarîme. Çi rindek beledîya ma, ma rê no îmkan da. Ma yenî ewta dersê muzîkî domanan gênî ra, domanan hewesê xo girewtî.”
‘Loqme qula mi ra nêsonî’
Zeynep Kiliç wina qedîna: “Çend tene însan ame û sîyî uca, çi dersê înan estbî, mi zanayne û mi pîro gostarit. Belkî heqê muzîkî ra nîno, belkî wes nêgostereno û belkî wes nêeskno bido piro. Mi nê nêgirewt kose nêeşt, hetanî peynî înan gostarit. Emegê însan gere wina zayî nêbo, kes xêr pîyo nêdano. Pere û vergîyê ke ma danî, ma ra vejeno û koltuxê xo de ruşenî ro. Axayî û pasayî kenî, nê pîro bi ma uca runişteyî. Ma gere hetanî peynîya heqa xo bivajîme û uca ra hetanî peynî ez ewta ra ma. Key ke heqa ma, dayî ma rê ez uca ra sona. Doman û telewon wazîne, nê çend rojîyo loqme gula mi ra nêsono ya. Aqlê mi ra nêvejeno, loqma kî qiriqê mi ra maneno. Sereyê xo ronan balisna û hewnê mi nîna, çi tur heqsizîyêka wina bena. Doman verê çimê mi ra nêsonî, ez bi înan ra cuyena.”
