Fîrmayêk boyêk viraştbî û boye ser zî resmê dardekerdişî yê Şêx Seîdî şuxilnabî. Baroya Amedî zî heqê fîrmayî de dewa akerdbî û Komeleya Şêx Seîdî verba nê bêhurmetî beyanatêk da û şermezar kerd
Fîrmayêk boya wesayîtan viraşt û ser boye zî resmê dardekerdişî yê Şêx Seîdî şuxilna. Baroya Amedî zî nêrazîbîyayişê xo verba nê nêzdîbîyayişê fîrmayî nîşan da û Baroya Amedî zî waşt ke wa nê boyê bêrê qedexekerdiş. Verba nê bêhurmetîye Komeleya Şêx Seîdî beyanetêk da.
Beyanetî de ame dîyar kerdiş ke Şêx Seîd bi manewî, têkoşîn û bawerîya xo ya bi edalet, heq, huquq bi şarê xo ra kesêkî ke zerrîya şarî de ca girewtî yo û wina ame vatiş: “Bêhurmetîya vîardişê ey ya ezîz nê tena verba şêxsekî, verba tarîxê şarê ma, verba merdimayî û bawerîyê heme şaran o. Çimkî têkoşînê Şêx Seîd Efendî têkoşînê merdimeyîye bî. Ma bêhurmetîyêka wina qebûl nêkenê û kesê ke heqaretê kesayeta rûhî ya Şêx Seîd Efendî kenî bi tundî şermezar kenê. Hêrişê ser bawerîya û ercîyayê zirarî dano yewîyeya komelê ma û îrade cuyeya bi pîya sîdar kena.”
Beyanat wina ame qedînayiş: “Têkoşînê Şêx Seîd Efendî yê seba heq û edeletî nê tena mîrasê hembar ê komêka dîyarkerda, ya heme merdimayîye yo. Ma pawitişê vîrardişê ey û hurmetgirewtişê ercnayişî ke temsîl kena sey erkekê merdimayî û wîjdanî vînenê. Bi na munasebetê ma omîdarê ke her kes verba tarîx, ercna û hesasîyetê ma yê komelî wayîrê vîndertiş û ziwanêkê rêzgirewtî bo. Şêx Seîd û embazê ey rûmetê ma yê.”
