Fûarê Amedî yê Kitabî dewam keno, Fûarî de tena 26 tenê weşanxaneyê Kurdî estê. Nuştox Bedrîye Topaçe rewşa ziwanê Kurdî de vatke ziwanê ma rûhê ma yo
Fûarê Amedî yê Kitabî ra elaqayêko gird esto, çi heyfo ke fûar de hûmara weşanxaneyê Kurdî zaf bi kêmî yo û elaqayê wendoxan zî weşanxaneyê Kurdî ra kêm o. Nuştox Bedrîye Topaç rewşa ziwanê Kurdî ser o qise kerd.
Bedrîye Topaç ser xebatê xo vat ke a bi Kirmanckî şîîr û hîkayeyan nusena û wina vat: “Her ke şona ziwanê ma ser teda zêdîyenê, ez vînena ke fûar de kitabê ma rê elaqa zêdîyeno. Nuştox û edebîyatê ma zî aver şîyo. No seba ma muhîm o.”
Ma deyndarê nê ziwanî yê
Bedrîye Topaç dîyar kerd ke fûar de elaqayê wendoxan ê kitabê Kirmanckî zêdîyeno û wina domna: “Elaqa rind o, yenê û şonê. Ê ke nêzanê wendiş û nuştişî nêzanê, êdî wazenê biwanê û binusê. Goreyê xo kitabanê dersan û tarîxî wazenê, no elaqa weş o. Kalîteyê wendoxê ma berz o, wendişî ra fam kenê. Tayê domanê xo reyde ziwanê xo reyde qise bikerê, çimkî ma qise nêkerê ziwan cayê xo de maneno.”
Bedrîye Topaç wina qedîna: “Ziwan tena bi çekûyan nêvirazîyeno, ziwan rûhê ma yo. Ma ziwanê xo vînî kerd, ma o rûh vînî kenê. Ma çiqas ziwanê xo reyde qise bikerê, binusê ziwanê ma wina aver şono. Wayîrê nê ziwanê, ma yê sewbî kes nîyo. Ma deyndarê nê ziwanî yê û ganî ma deynê xo bidê.”
