Verfekê Neteweyanê Yewbîyayeyan Stephane Dujarric dîyar kerd ke demo ke Îsraîlî operasyonê leşkerî newe ra dayê dest pêkerdene, nêzdîyê 400 hezar kesî Xeza ra koçber bîyê.
Artêşê Îsraîlî rojawanê şaristanê Dêr Belehî yê merkezê Xezayî de keyeyêk bombarduman kerd û netîceyê ci de tewr kêm 9 kesî ameyê kiştene û tayê kesî bînî birîndar bîyê. Goreyê medyaya Fîlistînî vakûrê rojawanê şaristanê Xezayî zî keyeyêk hetê hêzanê Îsraîlî ra ame bombardumankerdene û netîceyê nê bımbardumanî de 5 kesê bînî ameyê kiştene. Reyna ame dîyarkerdene ke hêzanê Îsraîlî herêmê vakûrê şaristanê Refehî yê başûrê Xezayî û taxê Şûcaîyî û Zeytûn bi obusan hedef girewtê. Verfekê Neteweyanê Yewbîyayeyan Stephane Dujarric îfade kerd ke demo ke Îsraîlî operasyonê xo yê leşkerî newe ra dayê dest pêkerdene (tewr kêm mîyanê 3 hewteyan de) nêzdîyê 400 hezar kesî Xeza ra koçber bîyê.
Verfekê Neteweyanê Yewbîyayeyan Stephane Dujarric seba cuya koçberan tu tedbîrî nêameyê girewtene û vat berpîrsîyarê nê çîyî zî Îsraîl o. Erjîyeno ma bîyarê vîrê ke adirbesto ke 2 aşman dewam kerd, ey ra dima Îsraîlî 18ê adare de reyna operasyonêko leşkerî vera Xezayî da dest pêkerdene.
