Ajansê Welatî ronîya do tena bi zaravayê Kurdî xebat bikero, no formatê ajansî ziwan, nuştox, wendox û akademîsyenê ziwanzanî kêfweş kerd. Nuştox Îhsan Espar zî vat ke do tomarkerdişê ziwanî ma rê ajans bibo platformêk
Ajansê Welatî ronîya do tena bi zaravayê Kurdî xebat bikero, no formatî ajansî ziwan, nuştox, wendox û akademîsyenê ziwanzanî kêfweş kerd. Nuştox Îhsan Espar zî ronîyayişê Ajansî Welatî ser o qise kerd.
Nuştox Îhsan Espar vat ke verê verikan o wazeno bivajo Ajansê Welatî xêrîn bo û wina vat: “Ez hêvî kena ke Ajansê Welatî do averşîyayişê kultur û ziwanî ma rê xizmet bikero. Do tomarkerdişê ziwanî ma rê zî bibo platformêk, semedê ziwanê ma heme çî lazim o. Çimkî ziwanê ma zaf tepa mendo, nê 40 serrê ke bi ziwanê ma zaf çik ameyê nuştiş la belê merdim bi ziwanê bînan muqayese keno, ziwanê ma zaf bi tepa mendo. Bi ajansêk wina merdim eşkeno xeylî xebatan bikero û ez hêvî kena şima do nê karan bikê û şima rê serkewtiş wazena.”
