Aşma teşrîna verêne ya 2024î ra Başûrê Kurdîstanî de hukmat nêyeno awankerdene. Heyetê PDK û YNK’yî qezaya Pîrmam ya Hewlêrî de reyna dest bi pêvînayîşan kerd.
Weçinitişê parlamentoyê demê 6. yê Herêma Kurdîstanî 20ê teşrîna verêne ya 2024î de amebî kerdene. Rixmo ke 6 aşmî weçinitişan ser o vîyartî zî hema zî hukmatêk nêameyo awankerdene.
Partîya Demokratîk a Kurdîstanî (PDK) û Yewîya Niştîmanî ya Kurdîstanî (YNK) wextêk o ke hukmatî ser o muzakere kenê.
Ame dîyarkerdene ke her di partî seba nîqaşkerdişê awankerdişê hukmato newe ameyê têhet.
Cagirê Serekîya Herêma Kurdîstanî Qubad Talebanî rojanê verînan de eşkerayîyêk dabî û dîyar kerdbî ke pêvînayîşê mabênê YNK û PDK’yî de pozîtîf vîyartî û ferasetêko hempar vejîyayo orte.
Goreyê Talebanî ê resayî asta encamî û demêko kilmî de peymanêk yena hêvîkerdene.
