Fermandarê HSD’yî yo Pêroyî Mazlum Ebdî eşkera kerd ke do roja 26ê nîsane Kongreya Neteweyî ya Kurdî Rojavayê Kurdîstanî de bêra kerdene.
Fermandarê HSD’yî yo Pêroyî Mazlum Ebdî hesabê xo yê X’î ser o roja Kongreya Neteweyî ya Kurdî eşkera kerde.
Mazlum Ebdî mesajê xo de vat: “Ma bi keyfweşî şarê xo rê eşkera kenê ke konferansê ‘Yewrêzîya Helwêstê Kurdî’ do Rojava de 26ê nîsane de bêro kerdene.” Mazlum Ebdî mesajê xo wina domna: “Yewîya Kurdî seba Sûrîye de çareserkedişê dewaya şarê kurdî lazimtîyêka neteweyî ya. Ma hêvî kenê ke heme hetî do berpirsîyarîya xo ya neteweyî bîyarê ca. Bi nê munasebetî ma heme hetê ke caardişê na game de bîyê hetkar, înan rê spas kenê û xebatanê konferansî rê serkewtiş wazenê.”
