Platformê “Şiyar Be! Platformê Têkoşînî Verba Tiryakî de” siba meşêkî virazo û awanbîyayîşê xo îlan biko. Hemverfekê Platformî Murat Kan wina va: “Vatişêkî her kesî verba tiryakî de est o” û vengê beşdarîya meşî kerd.
Sazîyê demokratîkî yê Amedî do ronayîşê “Şiyar Be! Platformê Têkoşînî Verba Tiryakî de” siba bi meşêkî bivirazo.
Platform, do siba Sumerparkê qezaya Şaristanê Neweyî yê Amedî ra ver bi Bircê 7 Birayan ê qezaya Sûrî ra meşêkî bivirazo. Meş do saet: 14.00 de destpê biko, dima zî Platform do Bircê 7 Birayan bi deklerasyonêkî ronayîşê xo îlan biko.
Hemverfekê Platformî Murat Kan derheqê babete de wina va: “Verba tiryakî de vatişêkî her kesî est o, rewşa komelê ma, şar û cinîyan acîz kena.”
