Cenazeyê rojnameger Umît Ozdal ke vizêr şand cuya xo vîndî kerde, dewa Palûkî ya Amedî de ameye hewanayene.
Muxabirê Reutersî Umît Ozdal vizêr şand Nêweşxaneyê Perwerdeyî û Cigêrayîşê yê Gazî Yaşargîl ê Amedî de cuya xo vîndî kerdbî. No serê sibayî embaz, hemmeslek û keyeyê Ozdal nêweşxaneyî ra ceneza girewte û berde dewa Palûkî ya Amedî. Goristan de merasîmê cenaze ame kerdene û duayan ra pey cenazae binerd kerde. Xeylê rojnameger, keye û merdimê Ozdalî merasîmî e amade bîyê.
Umît Ozdal (43) roja 9ê Adare de gonî şîbî mezgê ey û beşo rewşa awarte yê Nêweşxaneyê Perwerdeyî û Cigêrayîşê yê Gazî Yaşargîl ê Amedî de ameyêne tedawîkerdene. Ozdal tedawîya 52 rojan ra pey nêweşxane de tewrê heme mudaxaleyan zî cuya xo vîndî kerde.
Seba Umît Ozdalî do Keyeyê Tezîye yê Camîyê Abdurrahman Enç ê qezaya Rezanî de tezîya bêra ronayene.
