Rêbîn Ozmenî ard ziwan ke serranê peynî de Stenbol de tewr zaf kitabê famkerdişê ziwanê kurdkî yenî rotiş û wina va: “Şîîr û romanî zî yenî rotiş la wendişê kurdkî goreyê tirkî zaf kêm o. Semedê ci na yewe zî nêbîyayîşê perwerdeyê bi kurdkî yo.”
Kitabxaneyê Medyayê serra 1996î de Şaristanê Stenbolî yê Metropolê Tirkîya de awan bî. Kitabxaneyê Medyayê tarîxê kurdan de zî yewin kitabxaneyê kurdkî yo. Kitabanê heme weşxaneyanê kurdan, Kitabxaneyê Medyayê de yenî rotiş. Kitabê kurdkî yê roman, şîîr, kultur, tarîx û kitabê ke qalê kurdan kenî la yê bi tirkî yê zî Kitabxaneyê Medyayê de yenî rotiş. Yew zî xususîya Kitabxaneyê Medyayê no yo ke tena kitabê kurdkî û kitabê ke ser kurdan ameyî nuştiş yenî rotiş. Kitabxaneyê Medyayê ke 30 serrîya xo pey vera yew zî keyeyê kurdan ê metroplanê Tirkîya yê.
Verpirsê Kitabxaneyê Medyayê Rêbîn Ozmen qalê rewşa rotişê kitaban û waştişê seba kitabanê kurdkî kerd. Rêbîn Ozmen dîyar kerd ke krîza ekonomî tesîr ser weşanxane û kitabxaneyan zî keno, goreyê verê kitabî kêm yenî rotiş û wina va: “Seba ke kaxiz bi Euro û dolar yenî girewtiş her ke Euro û dolar vaye beno kitab zî vaye benî. Demo kitab vaye benî seba şarî zî êdî girewtişê kitaban beno luks. Seba ci zî serî de şar fek wendişê kitaban veradano. Yew zî tesîrê negatîfî yê ser kitaban medyaya sanalî yo, seba ke êdî şar wendişê zafê verê xo dano medyaya sanalî û wextê xo uca de derbas keno. Xususî zî krîza ekonomî tesîrêko negatîf kitabrotox û weşanxaneyan ra keno. Seba ke Tirkîya de kultirêko xorîn o wendişî çin o deme kitab vaye benî merdim yewin fek girewtişê kitaban veradanê. Verê kitab zafêr ameynî wendiş, seba ke medyaya sanal wina avernêşîbî û çikêkî bale merdiman zêde bianco zî çin bî, seba ci zî merdiman zafêr bale xo danî kitaban.”
Rewşa wendişê kitabanê kurdkî
Rêbîn Ozmen da zanayîş ke Stenbol de tewr zaf waştişê kitabanê famkerdişê kurdkî est o û wina dewam kerd: “Kurdkî de tewr zaf roman û şîîr yenî wendiş. Romanê kurdkî zî tewr zêde romananê Soranî ameyî açarnayîş yenî wendiş. Kitabanê Bextiyar Elî zaf yenî rotiş. Her wina romananê bîn zî yenî rotiş la tewr zaf zî şîîr yenî rotiş. Stenbol de tewr zêde kitabanê kurdkî yê seba famkerdişî yenî rotiş. Kitabanê tirkî de zî tewr zêde kitabanê ser tarîxê kurdan ameyî nuştiş yenî rotiş. Kitabanê tirkî yê kurdkî zafêr yenî rotiş. Wendişê tirkî asanêr yeno seba ci zî zafêr kitabanê tirkî yenî rotiş. Goreyê tirkî kitabanê kurdkî de kitabanê cigêrayîş, kulturî û tarîxî çin ê. Şîîr nê serranê peynî de zêdebîyayîşêk nê warî de est o la goreyê tirkî zaf kêm ê. Çikeko balkêş no yo ke demê weşanxaneyê kurd kitabêk bi tirkî çap kenî ser medyaya sanalî yenî rixnekerdiş û edîtorê ci nusenê û vanê qey kurdkîya nê kitabî çin a la demê weşanxane nê kitabî bi kurdkî çap keno, pêroyî wina bertek û waştiş zî 25 kitabanê tirkî roşeno û tena eşkenî 1 kitabê kurdkî biroşî. No zî çikêko balkêş o.”
‘Kitabanê cigêrayîşî her şono zêde benî’
Rêbîn Ozmen wina qedîna: “Hepisxaneyan de bi hezaran hepsîyê kur dest ê, zaf înan zî nusenî. Zaf kitabanê baş zî hepisxaneyan ra yenî. Hem hetê edebîyatî hem zî hetê cigêrayîşî xeylî kitab yenî. Derfetanê kêm kitabanê zaf hera vejîyenî. Çikê balkêş no yo ke kitabanê cigêrayîşî zêde şono. Pêroyîya Tirkîya û Kurdistanê Bakûrî de 33 weşanxaneyanê kurdan est ê û her yew zî bi seyan kitab weşan kerdî la tu kitabanê înan hemiyan bi kitabanê tirkî ra bidî ver yewbînan heme tena qasî kitabanê weşaxaneyêkê tirkî nêkenî. Çi heyfo rewşa wina ya. Na yew zî tesîrêko zaf pozîtîfî kurdkî ra keno.”
