Programê vîrardişî yê seba awankerdox û pêşenganê PKK’yî Alî Haydar Kaytan û Riza Altunî ke taxa Tuzluçayira Anqara de amebi destpêkerdene, roja dîyîne de dewam keno.
Partîya Karkeranê Kurdîstanî (PKK) vizêr encamê kongreya xo ya 12. eşkera kerdbi û dîyar kerdbi ke xo fesih kerdo. Reyna kongre de şehadetê awankerdox û pêşengehanê PKK’yî Alî Haydar Kaytan û Riza Altunî zî amebi dîyarkerdene. Kongre dîyarîya înan ameye kerdene. Eşkerakerdişê şehadetê Alî Haydar Kaytan û Riza Altunî ra pey xeylê şaristananê vakurê Kurdîstan û Tirkîya de rojanê dîyarkerdeyan de do tezîye bêra ronayene. Cayanê tezîye ra yew zî taxa ke Riza Altun tede pîl bîyo, taxa Tuzluçayirî qezaya Mamakî ya Anqarayî ya.
Vîrardişê seba Alî Haydar Kaytan û Riza Altunî keyeyo ke Riza Altun tede pîl bîyo, yê Taxa Tuzluçayirî de roja dîyîne de dewam keno. Fotografê her di şorişgeranê Kurdîstanî aliqnayeyî û reyna ronayê maseyî ser o zî. Wayê Riza Altunî Nurhayat Altun û Bezar Altun û waya Alî Haydar Kaytanî Gulluşan Kandemîr kesî ke yenê zîyaretî pêşwazî kenê. Xeylê kesî yenê zîyaret û keyeyan rê serweşîye wazenê. Hemserekê Pêroyî yê DBP’yî Keskîn Bayindir zî ame zîyaretî û keye rê serweşîye waşte.
Tezîye de behsê vîrameyîş û têkoşînê Kaytan û Altunî yeno kerdene û welatijî ke yenê tezîye defterê vîrameyîşî de zî hîs û amancanê xo nusenê.
Programê vîrardişê do heta siba dewam bikero.
Di şînê de qala bîranîn û têkoşîna Kaytan û Altûn tên kirin û welatiyên tên serdana sersaxiyê di lênûska bîranînê de jî hest û ramanên xwe dinivisînin.
Bîranîn wê heta sibê berdewam bike.
